Околу петнаесетина претприемачи од североисточниот регион присуствуваа на денешната обука за ефективна и повторлива продажба и извоз. Обуката е во рамките на настаните за размена на искуства кои се организирани од проектот на УСАИД за микро и мали претпријатија. Предавачите се искусни менаџери од бизнис заедницата на земјава.
-Поканети се сите микро и мали претпријатија кои што сакаат да растат без разлика на индустријата и без разлика дали се извозни или домашни, профитот тука не прави никаква разлика вели Елена Ангеловска, координатор на североисточен регион на проектот на УСАИД за микро и мали претпријатија.
Досега се остварени околу седумдесетина средби чија основна цел е развој на микро и малите претпријатија преку усовршување на вештините на сопствениците. Присутните посочуваат дека активностио д ваков тип придонесуваат за подобрување на работата на фирмите.
-Се занимаваме со производство на хтз опрема и за првпат се дружиме со УСАИД, имавме прекрасни средби од кои многу научивме и сум задоволна, вели Лиле Петрушевска, претставник од претпријатието „Лидер Б“ од Куманово.
Проектот на УСАИД за микро и мали претпријатија е кофинансиран од Швајцарската агенција за развој и од Швајцарската амбасада, а имплементиран од Центарот за развој на претприемачи и менаџери во Македонија.